ХӨСҮТ-ийн ДОХ/БЗДХ-ын тандалтын албанд өнгөрсөн долоо хоногт 551 хүн хандаж үйлчлүүлснээс Бэлгийн замаар дамжих халдварын тохиолдол 60 илэрч эмчилгээ хяналтад оржээ. Харин ХДХВ-ын халдварын 110 дахь тохиолдол илэрч, онош нь батлагдсан байна. Шинээр ХДХВ/ДОХ-ын вирусын халдвар илэрсэн хүн нь 25-29 насны эрэгтэй, эрхэлсэн ажилгүй нэгэн гэнэ. Одоогоор түүний бие хэвийн, ХДХВ-ын халдвар тээгч үе шатандаа байгаа бөгөөд эмнэлгийн хяналтад орсон, тандалт судалгаа хийгдэж  байна.