Америкийн эрдэмтэд Кальвиньо Инмана хүүгийн байгалиас нь заяасан хачирхалтай “авьяас”-ын учрыг олох гэж олон жил тууштай ажиллаж байгаа юм байна. Учир нь хүү нулимсаар биш цусаар уйлдаг. Теннесси мужийн дунд сургуулийн сурагч 15 настай хүүгийн нүднээс өдөрт гурван удаа цусан нулимс урсах болсноор ойр орчмын хүмүүсийг нь айдаст автуулжээ. Кальвиньо хүү түүний эцэг эх өнөөдөр телевизийн олон шоуны оролцогч, олны танил болжээ. Учир нь хүүгийн энэ өвчний учрыг өнөө хэр нь эмч нар олж чадахгүй байгаа юм.
“Би нүднээсээ нулимс биш цус гарч байгааг мэдэрдэг. Заримдаа өөрийгөө суу ёрын хүн юм уу гэж сэжиглэх үе байдаг. Эхлээд нүднээсээ цус гарч байхад найз нөхдөөсөө үнэхээр ичиж зовдог байсан” хэмээн хүү ярьжээ.
Офтальмологи Рекса Гамильтоны үзэж буйгаар хүү анагаах ухааны ховор өвчинд тооцогддог гемолакрия хэмээх цусаар уйлах өвчин туссан байна. Гэвч одоогоор энэ өвчний шалтгааныг шинжлэх ухаан тайлаагүй байгаа аж.
