Украины ерөнхийлөгч Петр Порошенко EUobserver сэтгүүлд өгсөн нийтлэлдээ Оросыг гитлерийн Германтай зүйрлэжээ. Тэрээр Крымыг Орост нэгтгэсэн явдлыг гуравдугаар Рейх,  Австри улсыг 1939 онд өөртөө нэгтгэсэнтэй адилтгасан байна. Мөн оросуудын Дорнод Украинд явуулж байгаа түрэмгийлэл нь Судетыг эзэлсэн түрэмгийлэлтэй адил гэж мэдэгджээ.

Украины болон барууны орнуудын төлөөлөгчид Донбастт орос улс түрэмгийлэл үйлдэж байна гэж нэг бус удаа буруутгаж байгаа юм. Гэсэн атлаа оросууд Донбассын мөргөлдөөнд цэргийн хүчээр оролцож байна гэсэн нэг ч баталгаа өнөө болтол гаргаж ирээгүй байна.

Харин Москва үүнийг баримт нотолгоогүй хэвлэлийн гүтгэлэг гээд зүүн өмнөд Украинд болж байгаа үйл явдалд оросууд оролцоогүй, тэндхийн босогчдод цэргийн техник, галт хэрэгсэл нийлүүлээгүй, Украинд улс төр, эдийн  засгийн хямрал нүүрлүүлэхийн тулд тэдний дотоодын зөрчил мөргөлдөөнд огт оролцоогүй гэж мэдэгдсээр байгаа юм.