Умард Солонгосын удирдагч Ким Чен Ун өөрийн авга эгч Ким Хен Хигээ цаазлах тушаалыг бүр жилийн өмнө өөрөө биечлэн өгсөн гэж БНАСАУ-гаас зугтаж гарсан нэгэн ярьсныг “Пресса Украины” сонин дамжуулжээ. Тэрээр авга эгчийгээ цаазлах тухай тушаалыг нөхөр Чан Сон Тхэкийг  цаазалснаас хэдэн сарын дараа2014 оны тавдугаар сард өгсөн гэнэ. Зугтаж ирсэн тэр хүний яриагаар бол нөхрийгөө нас барсны дараагаар Ким Ген Хи их ядарч хараагүй болсон ч хамгаалалтын ажилтнууд гэрийн нь дэргэд байнга жижүүрлэж гадагш гаргадаггүй байжээ. Тэгээд л удирдагч түүнийг цаазлах тушаал өгсөн гэнэ.
Ким Чен Ун удирдагч ердөө саяхан эхнэрийнхээ ажилладаг байсан дуу бүжгийн чуулгын ахлагч, өөр бас гурван хөгжимчнийг цаазаар авчээ. Тэднийг удирдагч Ким Чен Уны хувийн амьдралын талаар гадаадын тагнуулын байгууллагад мэдээлэл дамжуулсан гэж буруутгасан гэнэ. Үндэсний дуу бүжгийн “Ынхасу” хамтлагт удиррдагчийн гэргий дуулж “Морьтой адилхан бүсгүй” гэдэг дуугаараа алдаршиж байсан юм.
Сүүлийн дөрвөн сарын хугацаанд Умард Солонгос арав гаруй хүнийг цаазлаад байгаа юм гэж өмнөд Солонгосын тагнуулын байгууллага мэдээлжээ.