Британийн цэргийн гурван нисдэг тэргийг Балбын засгийн газар эх орондоо нэвтрүүлэхийг хориглосон байна. Лондон энэ “Чинук” гэдэг цэргийн том нисдэг тэргийг газар хөдлөлөөр нэрвэгдсэн хүмүүст туслах, гамшгийн хор хөнөөлийг устгахад туслуулахаар илгээсэн юм.
Балбын Гадаад хэргийн яам татгалзсан тухай шийдвэртээ ийм том овор хэмжээтэй нисдэг тэргүүд нь буух үедээ Катмандугийн хөндий дэх барилга байшинг эвдлэн гэмтээж магадгүй юм гэсэн байна.
Балбад дөрөвдүгээр сарын 25-нд 7,9 магнитудын хүчтэй газар хөдлөл болж дараа нь хэд хэдэн удаа чичирхийлэл мэдрэгдсэнээр 8019 хүн нас барж, 16 мянга гаруй хүн бэртэж гэмтээд байгаа юм. Газар хөдлөлийн төв нь нийслэл Катмандугаас 82 км-ийн зайд газрын гүнд 15 км-т байсан юм.