Тажикийн Хужанда хотын иргэн Фаррух Шарифов Сирийн нутаг дахь жихадын ажиллагаанд оролцож байгаад саяхан нийслэл Душанбедаа эргэж ирээд сэтгүүлчид, залуучуудын төлөөлөлтэй уулзаж тийшэ эхэрхэн хууртагдаж явснаа ярьсан байна.
25 настай Шарифов  интернетээр орос бүсгүйчүүдийн “Нэг ангийнхан” гэдэг сүлжээгээр дамжуулан танилцаж Москва,  Туркээр дамжин явж түүнийг тэндээс  Сири рүү илгээсэн  гэнэ.
“Миний паспортыг бүр Туркт очиход минь л устгасан, тэгээд л Сири рүү илгээхэд нь би хууртагдсанаа ойлгосон. Тэгэхэд л яаж эх орондоо буцфах билээ гэдэг ганцхан бодол төрсөн дөө. Гэхдээ ингэж яривал цаазын ял хүлээж байсан болохоор үүнийгээ хэлж болохгүй байлаа” гэж тэр ярьжээ.
Түүний нүдэн дээр Азербайжанаас очсон дөрвөн ч жихадын толгойг нь авсан гэнэ. “Тэднийг курдын тагнуул хэмээн буруутгаж миний нүдэн дээр толгойг нь авч цаазалсан” гэж Шарифов хэлж байна.
Сириэс эргэж ирсэн таван тажик эрийн нэг Шарифовын энэ уулзалтад оролцсон Тажикстаны Гадаад хэргийн сайд Рамазон Рахимзода энэ бол ингэж хууртагдсан хэдэн зуун хүний л нэг гээд Фаррух Шарифов шиг хэдэн зуун хүн удахгүй эргэж ирнэ гэсэн итгэлтэйгээр ингэж яваад Сирид очиж байгаа” гэжээ.
Тажикстаны тусгай албаны мэдээгээр Сири, Иракийн нутагт жихадын бүлэглэлд 300-гаас багагүй тажик иргэн байсны 60 нь хэдийнээ байлдаанд амь үрэгдсэн гэнэ.