Балбад болсон хүчтэй газар хөдлөлөөс хойш хоёр хоноод байхад аврагчид дөрвөн сартай хүүхдийг барилгын нуранги дороос эсэн мэнд гаргаж авчээ. Хүүхэд нуранги дор хоёр хоног хоол тэжээлгүй байснаас  сульдсаныг эс тооцвол бэртэж гэмтээгүй байсан тул амьдрах болно гэж эмч нар хэлсэн байна.

Дөрөвдүгээр сарын 25-нд Балбын нийслэл Катмандпу орчимд 7,8 магнитудын хүчтэй газар хөдлөл болж амь үрэгдсэн хүний тоо таван мянгад хүрээд байгаа бол  10 мянга оричм хүн бэртэж гэмтээд байгаа юм.

Гамшиг болсон нутагт дэд бүтэц ихээхэн сүйрч, холбоо харилцаа саатаад байгаа юм. Газар хөдлөлд нийтдээ найман сая хүн нэрвэгдэж олон айл орох оронгүй болжээ. Хамгийн гол нь гамшиг болсон газарт хүн ам хоол хүнс, цэвэр усаар гачигдаж байна.