ОХУ-ын Хакаст гарсан түймрийн улмаас 29 хүн амь алдаж, гурван хүн сураггүй алга болоод байна гэж тус бүгд найрамдах улсын эрх баригчид хэлснийг ТАСС агентлаг дамжууллаа.
Дөрөвдүгээр сарын 12-нд нутгийн иргэд хуурай өвс шатааж байгаад гал алдсанаас 25 метр секундын салхинд их хэмжээний түймэр дэгдэж өнөөдрийн байдлаар 33 суурин газрын сууцны 1328 байшин шатаж, 4694 хүн орон гэргүй болоод байна.

Тавдугаар сарын 20-ныг хүртэл тус бүгд найрамдах улсад гал түймрийн эсрэг онц байдал тогтоосон бол ОХУ-ын Онц байдлын сайд Владимир Пучков тэргүүтэй засгийн газрын онцгой комисс Хакас руу нисч очжээ.