АНУ-ын Ерөнхийлөгчид нэр дэвшиж байгаа Хилари Клинтон ижил хүстнүүд гэр бүл болохыг Америкийн бүх мужид хүлээн зөвшөөрөхийг Дээд шүүхэд уриаллаа хэмээн The Huffington Post мэдээллээ.

“Ижил хүйстнүүдийг гэр бүл болохыг Хилари Клинтон  дэмжиж Дээд шүүх тэднийг үндсэн хуулиар олгогдсон эрхээ эдлэн гэр бүл болохыг нь баталгаажуулах байх гэж найдаж байна”  хэмээн АНУ-ын тэргүүн хатагтай байсан түүний төлөөлөгч мэдээлжээ.
Хилари Клинтон сонгуулийн өмнөх нэгэн роликтоо ижил хүйстэн гэр бүл Жаред, Нейт хоёрыг урьж оруулсан юм. Тэр хоёр ч ирэх зун хийхээр төлөвлөсөн хуримдпаа Хилариг урьсан байна.
АНУ-ын төрийн нарийн бичгийн дарга байсан Хилари Клинтон  ерөнхийлөгчийн сонгуульд өрсөлдөнө гэдгээ энэ дөрөвдүгээр сарын 12-нд зарласан.  Түүнийг төрийн тэргүүний сонгуульд ялна гэдэг өнөөгийн ерөнхийлөгч Барак Обама итгэлтэй байгаа юм.