Хятадын нийслэлийг лхагва гарагт шар шороон шуурга бүрхсэн нь сүүлийн 13 жилд хамгийн хүчтэй нь боллоо хэмээн Бээжин хотын  цаг уурын станцын мэдээлснийг Синьхуа агентлаг дамжууллаа.

Хотын эрх баригчид иргэдэд агаарын бохирдол эрүүл мэндэд нөлөөлөхөөр их байгааг анхааруулсан байна. Хүмүүсийг онцын шаардлагагүй бол гэрээсээ гарахгүй байх, гарахдаа амны хаалт хэрэглэхийг зөвлөжээ.

 Үзэгдэх орчин хязгаарлагдмал болж авто замуудад их түгжрэл үүсчээ. Энэ байдал пүрэв гарагт ч үргэлжилнэ гэж байна.