Японы Хонсю арлын дорно зүгийн Хокота хотын иргэд баасан гарагийн өглөө 150 дельфин эрэг дээр 10 орчим км газарт гаран амь тэмцэж байхыг олж харцгаасан байна. Шөнөөр эрэг дээр гарсан тэд амьд байсан ч бие нь маш суларсан дөнгөжө амьсгаатай байжээ.

Японы эргийн хамгаалалтын ажилтнууд Хокота хотын иргэд, сайн дурынхантай хамтран хүйтэн агаар, бороог үл хайхран тэдэнд тусалж хучиж, ус цугтган туслалцаа үзүүлжээ. Нутгийн серфинчид ч аврах албаныханд тусалж тэднийг хөлөгт ачин эргээс холдуулан усанд нь тавьсан байна. Шархдаж гэмтсэн заримыг ньмалын эмч нар үзэж шаардлагатай тусламж үзүүлжээ.

Хамгийн сүүлд Японд 2011 оны гуравдугаар сарын 5-нд бас 52 дельфин эрэг дээр гаран амиа хорлохыг завдаж байсан юм.
Эрдэмтэн судлаачид энэ үзэгдлийн 90 хувь нь нарны идэвхжил буурахтай холбоотой гэж тайлбарладаг юм байна.