Хөхөнцөр вирусийн халдвараас сэргийлэх вакциныг 11-15 насны охид, 26 хүртэлх насны эмэгтэйчүүдэд гурван үе шаттайгаар хийж  эхлээд байгаа. Дархлаажуулалтын эхний товыг өнгөрөгч гуравдугаар сарын 12-16-нд зохион байгуулж, Сэлэнгэ, Өмнөговь аймаг, нийслэлийн Баянгол, Багануур дүүргийн охидыг хамруулсан юм. Хоёр дахь тунг энэ сард дээрх аймаг дүүргүүдийн дархлаажуулалтад хамрагдсан охидод хийжээ. Хамрагдах ёстой охидын 95,4 хувь нь хоёр дахь тунг тариулжээ.