Монголын Залуучуудын Холбоо “Спирт үү, спорт уу” аяныхаа хүрээнд “Унадаг дугуйтай Улаанбаатар” төсөл хэрэгжүүлж эхлээд багагүй хугацаа өнгөрч, энэ хугацаанд олон ч ажил зохион байгуулаад байгаа юм.
Үүний нэг нь түрээсийн дугуйн үйлчилгээ. Хувьдаа дугуйгүй ч унадаг дугуйгаар зугаалмаар санагдвал МЗХ-ны хашаанд байрлах “Nice bike” дугуйн түрээсийн үйлчилгээнд хандаж болно. Эндээс түрээсэлсэн дугуйгаа хотын хаашаа ч унаж явах боломжтой. Үнийн хувьд ч боломжийн ажлын өдөр дугуйн түрээс нэг цаг нь 3000 төгрөг бол бүтэн өдөржин ашиглахад 16 мянган төгрөг. Үйлчилгээгээ нээгээд удаагүй учраас унадаг дугуйнууд нь ч шинэ. Мөн тус төвийн дэргэд засварын төв нээгдсэн учраас унадаг дугуйтай хүмүүс үйлчлүүлэх боломжтой юм билээ.