УИХ дахь МАН-ын бүлэг Эдийн засгийн хөгжлийн сайд Н.Батбаярыг огцруулах асуудал өргөн барьсан билээ. Тэдний тавьсан асуудал дарааллын дагуу өнөөдөр Эдийн засгийн байнгын хорооны хурлаар хэлэлцүүлэгт орж эхэлнэ. Ажилдаа хариуцлага алдсан гэж Н.Батбаяр сайдыг огцруулах хүсэлтийг парламентад МАН-ын бүлэг хоёр дахь удаагаа өргөн бариад байгаа. АН-ын бүлэг сайдынхаа суудлыг хамгаалан үлдэхээ илэрхийлсэн бол “Шударга ёс” эвслийн бүлэг хараахан байр сууриа нэгтгээгүй гэсэн. Бие даагч гишүүд ч мөн адил ямар байр суурьтай байгаагаа илэрхийлээгүй. Тэгэхээр өнөөдөр болох Эдийн засгийн байнгын хорооны хурлын өмнө эвслийн бүлэг болон бие даагчид Н.Батбаяр сайдыг авч үлдэх үү, огцруулах уу гэдгээ шийдэх нь.