Төрийн эрхийг хууль бусаар авахыг санаархсан гэх үндэслэлээр хоёр жил гаруй хугацаанд шалгагдаж байгаа кино найруулагч Г.Бадамрагчааг өнөөдөр  Дүүргийн эрүүгийн хэргийн анхан шатны II шүүхэд шүүнэ. “Цагдаагийн тангараг” кино найруулан хийж үүгээрээ дамжуулан залуучуудыг тусгайлан бэлтгэж Монгол Улсын төрийн эрхийг хууль бусаар авах гэж байсан хэмээн түүнийг Тагнуулын ерөнхий газар сэжигтнээр тооцон 2012 оноос эхлэн шалгасан юм.  Түүнийг Эрүүгийн хуулийн тусгай ангийн 82 дугаар зүйл буюу “Төрийн эрх мэдлийг хууль бусаар авах хуйвалдаан зохион байгуулсан” гэсэн үндэслэлээр буруутган шүүж байгаа юм.