Интернетэд ердөө өчигдөр тавьсан энэ мэдээ олны нүдийг бүлтийлгэж чихийг дэлдийлгэн интернетээр тарсаар  байна. Ирландын мэдээллийн Waterford Whispers News порталд бичсэнээр бол Умард Солонгос энэ сарын 21-нд сансарт, тэгэхдээ Нар луу сансрын нисэгчээ хөөргөж, тэр нь өдөртөө буцаж ирсэн гэж БНАСАУ-ын мэдээллийн төв агентлаг дамжууллаа хэмээн гэжээ.
Мэдээнд Наран дээр буусан манай гаригийн анхны нисэгч Хунг Ил Гон тэр оройдоо багтаад эргэж ирсэн гэжээ. Waterford Whispers News-ийн бичсэнээр бол Хунг Ил Гонд нар хүртэл нисэхэд ерөө дөрвөн цаг хангалттай байсан бол сансарт тэрээр нийтдээ 18 цаг л болсон гэнэ.
БНАСАУ-ын төв телевиз сансрын нисэгчээ нарны хурц гэрэл, дэлбэрэлтээс хамгаалахын тулд наран дээр шөнө буухад /Нар шөнөдөө унтардаг эсэхийг хүмүүүс мэддэггүй бололтой/ зориулж хийсэн тусгай хөлгөөр илгээсэн гэж мэдээллээ. БНАСАУ-ын мэдээллийн төв агентлагийн хөтлөгч “Бид наран дээр сансрын нисэгчээ буулгасандаа маш их баяртай байна” хэмээн инээмсэглэн мэдээлсэн байна. Умардын төв телевиз “Умард Солонгос сансар эзэмших талаар дэлхийн бүхий л улс орныг ардаа орхиж чадлаа. Хунг Ил Гон жинхэнэ баатар эр, жинхэнэ баатарлаг үйл бүтээгээд эргэж ирлээ” гэж мэдээлсэн байна. Энэ мэдээ ингээд дууссангүй, умардын домог болсон баатар эр их удирдагч Ким Чен Ундаа бэлэг болгож нарнаас нэлээд хэдэн дээж авчирсан байна гэжээ.
Мэдээж үүний тулд эхлээд вискигээр хуруугаа норгоод, дээжээ  маш хурдан хугацаанд авч амжих хэрэгтэй байсан гэнэ.  
Харин Умард Солонгос гэж ямар улс вэ гэдгийг эхлээд сайн санах ёстой. Энэ бол гадаад ертөнцөөс бүрэн тусгаар, суртал нэвтрүүлгийн асар баялаг туршлагатай улс. Ийм явдал болсон тухай яриа гарахад үүний төлөө умардын иргэн хэн ч мөрий тавихад бэлэн. Харин удирдагчид нь ийм ер бусын суртал нэвтрүүлэг арай л нэг хийхгүй байх.
Хамгийн гол нь энэ мэдээллийг эхлээд ирландын хошин мэдээллийн Waterford Whispers News сайтад тавьсан гэдгийг сануулъя. Өөрөөр хэлбэл Умард Солонгос ямар ч хүнийг Нар луу хөөргөөгүй, ийм албан мэдээ дамжуулаагүй юм байна. Энэ бол ерийн л нэг тоглоом шоглоом. Гэхдээ л интернетээр дуулиан болж тарсаар л байна хэмээн оросын http://hi-news.ru сайтад бичжээ.