Америкийн Нью-Йорк мужийн Пенфилд хотын найман настай жаал хүү  шатаж байгаа чиргүүл сууцнаас  зургаан хүний амь авраад, хөгжлийн бэрхшээлтэй авга ахыгаа аврах гэж байгаад амь алдлаа хэмээн USA Today мэдээлснийг РИА Новости дамжууллаа. Жаал хүү Тайлер Духаны гэрт зочлохоор ирсэн   өвөөгийн нь чиргүүл сууцанд  мягмар гарагийн шөнө түймэр гарахад Духан болон өвөөгөөс нь гадна тэдний хамаатан садангийн долоон хүн тэнд байжээ. Шөнийн 05,00 цагийн үед гал гарч эхлэхэд жаал хүү хамгийн эхлээд мэдсэн байна. Тэр гэр бүлийнхнээ сэрээж гадаа гаргасан байна. Тэгээд 57 настай өвөө, 54 настай, хөгжлийн бэрхшээлтэй авгадаа туслах гэсэн ч оройтож чиргүүл сууцны дээвэр нуран тэр гурав амьд гарч чадаагүй байна. “Тэр үнэхээр эр зориг гаргаж өөрийнхөө амиар зургаан хүний амь аварлаа. Тэр бол жинхэнэ баатар” гэж Духаны сурч байсан сургуулийн захирал нь хэлсэн байна.  Гал яагаад гарсан шалтгааныг орон нутгийн хууль сахиулагчид мөрдөн шалгаж эхэлжээ. Цагдаагийн эхний мэдээллээр бол цахилгаанаас болсон байж магадгүй байна.