Тайландын Засгийн газар өнөдрөөс эхлэн нийслэл Бангкок хот, ойр орчмын мужуудад 60 хоногийн хугацаатай онцгой байдал тогтоолоо гэж Сайд нарын зөвлөлийн эх сурвалжийг үндэслэн хуурай замын цэргийн радио станц дамжууллаа.

Энэ нэгдүгээр сарын 20-ноос Таиландын нийслэлд байдал хурцдаж засгийн газрыг эсэргүүцсэн хөдөлгөөнийхөн идэвхжин нийслэлийн гол замуудыг хааж, хууль сахиуагчидтай мөргөлдөн хүч хэрэглэсэн, хажуугаар нь үл мэдэгдэх хүмүүс жагсагчид руу буудаж халдаж байгаагаас ийм арга хэмжээ авахад хүрсэн гэж мэдээлэлд дурджээ.
Онц байдлын үеэр улстөрийн цуглаан хийхийг хориглож хэвлэл мэдээлэлд хяналт тогтоож байгаа юм байна. Мөн хөл хорих цаг тогтоон заасан газруудаар зорчихыг хориглож зөрчсөн хүмүүсийг цэрэг цагдаагийнхан урьдчилан анхааруулалгүйгээр саатуулан баривчлах юм.

Онц байдал зарласан тухай шийдвэрийг үндэсний телевиз, радиогоор хараахан дамжуулаагүй байна.
Олон нийт  Йинглик Чинават тэргүүтэй засгийн газрыг ерөнхий сайдын өтрсөн ах, гадаадад зугтаж гарсан Таксин Чинаватын гар хөл болон ажиллаж байна, эрх баригчдаас гаргах гэж байсан өршөөлийн хууль нь Таксин Чинаватыг эх оронд нь эргүүлж авчрах гэсэн башир арга хэмээн эсэргүүцэж олон хоногийн турш жагсч энэ нь хүрээгээ тэлсээр эмх замбараагүй байдал хувираад байгаа юм.