Энэ нэгдүгээр сарын 1-нээс АНУ-ын Колорадо муж марихуаныг эмнэлгийн болон амралт, сэргээх зориулалтаар худалдаалдаг болсон бол энэ оноос Вашингтон мужид бас өвс худалдаалж эхлэх юм. Энэ тухайд Цагаан ордны тэргүүн Барак Обама үзэл бодлоо илэрхийлснийг америкийн New Yorker хэвлэл нийтэлсэн байна. Төрийн тэргүүн марихуан татах нь сөрөг нөлөөтэй, урьдын адил нийгэмд таагүй зүйл хэвээрээ шүү дээ гэсэн байна. Тэрээр “Би ч гэсэн өсвөр насандаа өвс татаж л байсан. Энэ нь тамхи татахтай адил муу зуршил гэж би үздэг. Залуу бага байхдаа би ч гэсэн тамхи татаж амьдралынхаа нэлээд хэсгийг энэ зуршилтай хамт өнгөрөөсөн. Гэхдээ би марихуаныг архинаас илүү хортой гэж бодохгүй байна” гэж хэлжээ. Ерөнхийлөгч бас хүүхдүүд өөрийнх нь залуу цаг шиг  каннабис татахгүй байгаасай гэжээ. “Би өөрийнхөө охидод өвс татах нь эрүүл мэндэд хортой шүү гэж хэлдэг” гэсэн байна.
Колорадо, Вашингтон мужид марихуаныг чөлөөтэй болгосон нь чухал алхам  гэж Барак Обама хэлжээ. Энэ нь марихуанаас болоод эрүүгийн хариуцлага оноодог явдлыг багасгана гэсэн байна. Гэхдээ ингэснээр залуучууд бусад хориотой бодис кокаин, зэргийг татах вий дээ гэдгийг урьдчилан анхааруулсан байна.