Их Британийн Бристолийн Queen Elizabeth Hospital сургуулийн 16 настай сурагч Льюис Кларк бямба гарагт өмнөд туйл дахь америкийн Амундсен-Скотт баазад хүрснээр мөсөн тивд хүрч очсон хамгийн залуу аялагч болж дээд амжилт тогтоолоо. Өмнөд туфйлаар явган аялсан аяллаа ийн амжилттай дуусгасандаа баяртай байгаа тэр мэдэгдсэн байна.

Залуу хүү аяллаа өнгөрсөн оны арванхоёрдугаар сарын 2-нд, төрсөн өдрөөсөө хойш хоёр долоо хоноод эхэлжээ. Тэрээр цельсийн 50 градусаас ч илүү хүйтэнд  бараг 1130 км замыг цанаар туулахдаа цагт дунджаар 193 км явж байжээ.
Түүний аяллыг туршлагатай аялагч, газарч Карл Алви дагалдаж явсан байна.
Үүний өмнө 2005 онд Өмнөд туйлд канадын иргэн 18 настай Сары МакНэйр-Лэндри хүрч очиж байсан бол Кларк энэ дээд амжилтыг ийн эвдлээ. Дээд амжилтын Гиннесийн номд орох нь тодорхой болсон Кларк нэгдүгээр сарын 24-нд эх орондоо эргэн ирэх юм байна.