Бразилийн Рио-де-Жанейрод аянга бууж дэлхий дахинаа алдартай Христийн хөшөө гэмтээлээ гэж Франс Пресс агентлаг мэдээллээ. Пүрэв гарагт энд аянга цахилгаантай ширүүн бороо орж хөшөөн дээр аянга бууснаас хурууны нь үзүүрийг тасар татан унагаасан байна. Орон нутгийн шашны төлөөлөгчийн хэлснээр бол хөшө өзасварлах ажлыг ирэх сард эхлүүлэхээр төлөвлөжээ.
Христийн энэ хөшөө Рио-де-Жанейрогийн Тижукийн үндэсний цэцэрлэгт хүрээлэнд 709 мет өндөртэй Корковадын уулан дээр байрладаг юм. Эндэхийн давцан дээрээс Рио-де-Жанейро хот, Атлантын далайн Гуанабарийн булан гайхамшигтай сайхан харагддаг юм. 2011 онд 80 жилийнхээ ойг тэмдэглэсэн энэ хөшөөг 2007 онд интернет хэрэглэгчдийн санал асуулгаар “Ертөнцийн долоон гайхамшиг”-ийн нэгэнд оруулсан билээ.
38 метр өндөртэй энэ хөшөөний алдалсан гар нь гэхэд л 28 урт, жин нь 1145 тонн юм.