Дэлхийн улс орнуудаас хамгийн эрүүл, зөв хооллодог үндэстэн нь голландчууд хэмээн Oxfam-ын хийсэн судалгаагаар тогтоожээ. Улс орнууд дахь хоол хүнсний үнэ ханш, хүмүүсийнх нь эрүүл мэнд, сахрын өвчлөл хэр өндөр байгаа, хүмүүс нь хэрэгцээтэй шим тэжээлээ авч чадаж байгаа эсэхийг гол шалгуур үзүүлэлт болгон эрүүл хооллодог үндэстнүүдийг тодруулжээ. Дээрх шалгуураар бол Нидерланд, Франц,Швейцарь, Дани, Швед, Австри, Белги, Ирланд, Итали, Португали улсын ард түмэн хамгийн эрүүл хооллодог хэмээн эхний 10-т жагссан байна.  Гэхдээ энэ бүх улсад хүнсний ямар ч асуудал байхгүй гэсэн үг биш. Тухайлбал голландчууд нийтээрээ эрүүл хэв маягаар хооллодог ч таван хүн тутмын нэг нь илүүдэл жинтэй гэсэн тоо баримт бий.
Дээрх судалгаагаар хоол хүнс хамгийн муутай газруудыг ч нэрлэсэн байна. Хүн ард нь эрүүл, зөв хоол идэх боломж муутай 10 орны тоонд Чад, Ангол, Этиоп, Мадагаскар, Йемен, Нигер, Бурунди, Мозамбик, Зимбабве, Сьера Леон гэх мэтчилэн Африкийн буурай хөгжилтэй орнууд орсон байна. Эндэхийн хүн амд хоол тэжээлийн дутагдалд орох нь түгээмэл, хоол хийх эрүүл ахуйн орчин нөхцөл маш муу зэрэг нь нөлөөлсөн байна. Өндөр хөгжилтэй орнууд таргалалттай тэмцэж байхад эдгээр улсад хоол тэжээлийн дутагдал санаа зовоосон хэвээр л байгаа юм.