БНХАУ-ын  өнгөрсөн 2013 оны арванхоёрдугаар сард гадаадаас импортолсон зэс, хагас боловсруулсан зэс өмнөх арваннэгдүгээр сарынхаасаа 1,3 хувиар өссөнийг МеталлТорг.Ру сайт мэдээллээ. Ингэснээр тус улс арванхоёругаар сард гадаадаас 441,3 мянган тонн зэс оруулжээ. Эдний арваннэгдүгээр сард гадаадаас авсан зэс нь аравдугаар сарынхаасаа 12,4 хувь өссөн юм. Тэгвэл энэ нь өмнөх оны арваннэгдүгээр сартай харьцуулахад 31,2 хувиар буураад байсан юм.
Арваннэгдүгээр сард хятадын зэс үйлдвэрлэл өмнөх сараасаа 2,6 хувь өсч 654,8 мянган тоннд хүрсэн байна. Энэ нь өмнөх оны мөн үетэй харьцуулахад 23,46 хувь өссөн үзүүлэлт юм.