Байгаль цаг уурын өөрчлөлт, нийгмийн асуудлаасаа болоод энэ XXI зуунд устаж үгүй болох долоон том хотын нэрийг америкийн Калифорнийн их сургуулийн эрдэмтэд зарласан байна.
 
Сан-Франциско. Америкинй энэ том хотыг эрдэмтэд 2086 онд болох 7 түүнээс дээш баллын газар хөдлөлийн улмаас бүрэн сүйрнэ гэж  тооцоолж байна. Тэгээд ч Сан-Францискогийн иргэд одоо аюултай бүсээс нутгийн гүн рүүгээ нүүдэллээд эхэлсэн гэнэ.

Детройт. Америкийн машин үйлдвэрлэлийн гол төв байсан энэ хот 1950 оноос хойш эдийн засгийн хямралд орсноор хүн ам нь өөр газраад нүүсээр бараг орхигдож байгаа. Хүн ам нь өнөөгийн түвшиндээ байж чадахгүй бол 2100 он гэхэд энэ хот газрын хөрснөөс арчигдана гэнэ.

Венеци. Италийн усан дээр байрладаг түүх, соёлын дурсгалт энэ хот сүүлийн зуун жилд усны түвшин нь улам нэмэгдсээр байгаа. Өнгөрсөн ХХ зуунд усны түвшин 242 см-ээр нэмэгдсэн гэж байгаа. Италийн Засгийн газар энэ хотыг аврах төлөвлөгөө зохиож байгаа гэдэг ч найдвар бага гэж хэвлэлүүд бичдэг.

Мехико. Мексикийн нийслэл бас л усан дор орох магадлал тун ихтэй том хот. Угаасаа усаны том хагалбар дээр барьсан энэ хотын зарим хэсэг сүүлийн 100 жилд 9 метрээр доошилсон гэдэг.

Неаполь. Италийн энэ хот Помпей хотыг лаван дороо дарж үгүй хийсэн Везувий гал уулын дэргэд оршдог болохоор эндэхийн дөрвөн сая хүний хувь заяа тун бүрхэг байгаа. 100 жилд нэг удаа оргилдог Везувий галт уул хамгийн сүүлд 1944 онд дэлбэрсэн билээ.

Тимбукту. Мали улсын энэ хот элсэнд дарагдаж мэднэ. Мянга мянган жил элсэн шуурганд балбуулсан энэ хотын зарим хэсэг өнөөдөр ч гэсэн Сахарын элсэнд даруулчихаад байгаа.

Иванова. Хамгийн сүүлд манай хойд хөршийн 448 мянган хүнтэй Иванова хот орж байна. Эмэгтэйчүүд нь эрчүүдээсээ хэт давчихсан энэ хотод жилээс жилд төрж байгаа хүүхдийн тоо нас барагсдаасаа цөөн болсон. Тэгээд ч орчин үеийн ямар ч үйлдвэр байхгүй энэ хотоос залуучууд хэдийнээ дүрвэн нийслэлийг зорьдог болоод байгаа.