ОХУ-ын Сочид болох өвлийн олимпын үеэр тийшээ нэг их зорчихгүй байхыг АНУ-ын Төрийн департамент ард иргэддээ анхаарууллаа. Олимпын үеэр аюулгүй байдал сахиулах ажилд туслуулахаар Орос руу хэдэн арван төлөөлөгч илгээснээ Холбооны тагнуулын газрын тэргүүн Жеймс Коми пүрэв гарагт бас мэдэгдлээ. Жеймс Коми бас олимп болох Сочи нь тогтворгүй байдал, террорист аюулын голомтоос холгүй байгаа нь аюулгүй байдал сахиулахад ихээхэн хүндрэлтэй байгааг тэмдэглэсэн байна.
Төрийн пепартамент олимп үзэхээр Сочи руу явах ард иргэдээ эрүүл мэндийн даатгал заавал хийлгэхийг анхааруулаад оросын хотуудад эмнэлгийн яаралтай тусамж үзүүлнэ гэдэг нэг их найдахгүй байгаагаа мэдэгджээ. Төрийн нарийн бичгийн дарга Жон Керри бас Орост гей-сурталчилгааг хориглодгийг анхааруулаад ижил  хүйстнүүдээ тун болгоомжтой байхыг уриалсан байна.