Кэмбрижийн гүн Уильям хөдөө аж ахуйд суралцахаар Кэмбрижийн их сургуулийн оюутан болжээ. Гэхдээ гүн бусад оюутан шиг хэдэн жилээр суралцахгүй. 10 долоо хоногийн хугацаатай эрчимжүүлсэн сургалтад хамрагдах юм байна. Гүн оюутан болсон нь ирээдүйд эцгээсээ өвлөж авах Корнволлын гүнлэгийн аж ахуйг хариуцан авч явахдаа бэлтгэж буй хэрэг юм. Хунтайж Чарльз хаан ширээнд суух үед Уильям эцгээсээ энэ ажлыг өвлөн авах тул хөдөө аж ахуйн талаар өргөн мэдлэгтэй байх шаардлага гарна хэмээн ийнхүү эртнээс бэлтгэж байгаа аж. Ер нь, гүн одоо ажиллаж буй Хатан хааны агаарын зэвсэгт хүчний албаа хааж дуусгаад төрийн алба буюу нийтийн үйлчилгээний албанд орох бодолтой байгаа аж.
Гүн хичээлийн эхний өдөр нийтийн тээврээр 45 минут явж байж сургуульдаа ирсэн гэнэ. Гэхдээ түүнийг сургуулийн удирдлага хүндэтгэлтэйгээр хүлээн авсан нь жирийн оюутан биш гэдгийг нь харуулж байгаа юм. Тэрээр сургалтын төлбөрөө хувиараа төлсөн гэнэ. 
