Хятадын Фужоу хотод аав, хүү хоёр нас барсан эмгэнэлтэй хэрэг гарчээ. Хуан Чиу гэх эрэгтэй эхнэртэйгээ хүүхдээ хэн нь харахаас болж муудалцан, уурандаа байшингийнхаа дээвэр дээрээс дөрвөн настай хүүгээ аван үсэрчээ. Аав хүү хоёр долоон давхар байшин дээрээс үсэрсэн учраас хоёул газар дээрээ амиа алджээ. Энэ гэр бүлийн хоёр хүүхдээ харах хүнээс болж дандаа маргалдаж муудалцдаг байсан гэнэ. Түүний эхнэр ажил дээрээ амжилттай яваа карьер хөөсөн эмэгтэй учир хүүхдээ ихэвчлэн эцэг нь хардаг байж. Гэвч нөхөр нь энэ байдалдаа бухимдан хадмуудаа хүүхэд харж өгсөнгүй гэж уурладаг байсан гэнэ. Тэд ээлжит маргаанаа хийж байх үед нөхөр нь энэ асуудлыг нэг мөр шийдээд өгье гээд хүүхдээ авч гараад шууд амиа хорложээ.