Хятадын Шааньси мужийн Сиан хотод амьдардаг нэгэн гэр бүл насаараа хадгалсан мөнгөө хормын дотор алдаж, харамсаад барахгүй явдал болжээ. Гэтэл хэргийн эзэн нь тэдний дөрвөн настай хүү байсан гэнэ. Эцэг эх хоёр нь хүүхдээ унтлагын өрөөндөө орхисон хойгуур сониуч зантай хүү нь орон доор хадгалсан хайрцагтай мөнгийг олоод юу ч үгүй ураад хаячихсан байжээ. Хайрцагт ойролцоогоор 30 мянган юань /5000 шахам ам.доллар/ байсан гэнэ.
Энэ бол 28 настай залуу хосын гэр бүл болсноосоо хойш цуглуулсан бүх мөнгө нь байжээ. Тэд энэ мөнгөөр он гарахаас өмнө шинэ байранд орохын тулд барьцаа болгох гэж хадгалж байсан байна. Энэ явдал залуу хосыг цочирдуулж балмагдуулсан ч урагдсан мөнгөнүүдийг авч, шинэ мөнгөөр сольж өгөх өгөөмөр банк тэдэнд олджээ.
Залуу хос хүүдээ тоглоом өгөхийн оронд захаас хуучин хямдхан ном авч хүүхэддээ өгөөд, өнөөх нь хуудсуудыг нь урж тоглодог байсан гэнэ. Тиймээс хүүхдийг унтлагын өрөөнд цаас урах чимээг эцэг эх нь сонссон ч хуучин ном л урж байгаа биз хэмээн бодоод огт тоогоогүй аж.
