2025 он гэхэд хэрэгжүүлж эхлэх “Mars One”  төслийн хүрээнд Улаан нүдэн гариг руу эхний ээлжинд нисэхээр захиалгаа өгсөн 1058 хүний  нэрийг зарласан байна. Хамгийн түрүүний хүн нь 2025 онд нисэх энэ жагсаалтад манай гаригийн өнцөг булан бүрээс 200 гаруй мянган хүн бүртгүүлсний эхний 1058 хүний 586 нь эрэгтэй, 472 нь эмэгтэй хүн байгаа гэнэ. Ер нь дэлхийгээс өөр газар очиж амьдрахаар захиалгаа 200 гаруй мянган хүн өгөөд байгаа юм байна.
Эхний энэ 1058 хүнээс 385 нь 25 хүртэлх насны залуу хүн байгаа бол 415 нь 26-35 насны, үлдэх 286 нь 36-аас дээш насны хүн байгаа юм. Цэнхэр дэлхий дээр амьдарч ханалаа, одоо өөр гариг дээр очьё хэмээн шийдсэн хамгийн өндөр настай хүн нь одоо 81 настай байгаа болохоор 91 насандаа сансрын хөлөгт суух нь ээ.
Ангараг руу зорчих тасалбар захиалаад байгаа хүмүүсийн олонхи нь дээд боловсролтой, ажил хөдөлмөр эрхэлдэг хүн байна.
Энэ хүмүүсийн олонхи нь Хойд болон Өмнөд америкийн оршин суугчид байгаа бол дараа нь европчууд, азиуд, африк, далайн орны иргэд дэс дараалан орж байна. Манай хойд хөрш Оросоос 52 хүн бүртгүүлээд байгаа гэнэ.

Энэ бүртгүүлсэн хүмүүсийг хугацааны сүүлийн хоёр жилд тодорхой хэмжээний биеийн эрүүл мэндийн болон сэтгэлзүй, даалгавар биелүүлэх чадварын  шалгалтад оруулах юм байна. Ингээд энэ бүхнийг даван туулсан хүнийг тус бүр дөрвөн хүнтэй баг болгон зохион байгуулж Улаан нүдпэн гараг руу нисэх бэлтгэл хийлгээд өрсөлдүүлж аль баг хамгийн түрүүнээ хөөрөхийг шалгаруулна гэж төслийн удирдагч Бас Лансдорп ярьж байна.