ОХУ-ын Волгоградын галт тэрэгний буудалд алан хядагч бөмбөг дэлбэлэх үеэр цагдаагийн ажилтан Дмитрий Маковкин амь үрэгдсэн байна. Тэрээр галт тэрэгний буудлын барилга руу орох хаалганы дэргэд, металл хайгчийн ойролцоо үүрэг гүйцэтгэж байжээ. Гаднаас орж ирсэн хүмүүсийн дунд сэжигтэй харагдсан нэгэн эмэгтэйд дөхөн очиж  саатуулан шалгах шаардлага тавих үеэр бөмбөг дэлбэрсэн гэж тэнд ажиллаж байсан цагдаагийн ажилтнууд ярьжээ.
Ингэснээрээ эргүүлийн 29 настай цагдаа алан хядагчийг илүү олон хүнтэй газар луу нэвтрүүлэлээгүйгээс гадна, өөрийнхөө биеэр танхимд байсан хүмүүсийг халхалж амийг нь аварсан. Алан хядагч дотогшоо хүлээх танхим руу нэвтэрч олон хүний дунд орсон бол илүү олон хүн амь алдах байлаа гэж ДЯЯ-ны Волгоградын Удирдах газрын тэргүүн Денис Моисеев мэдээлж байна.
Дмитрий Маковкин ДЯЯ-ны салбарт 2008 оноос ажиллаж, хэдхэн сарын өмнө тээврийн хяналтын удирдах газарт шилжин ирж ажиллажээ.