Дэлхийг хэрсэн түргэн хоолны сүлжээ "McDonald"s" ажилтнууддаа зориулан гаргасан зөвлөмждөө түргэн хоол, шарсан төмс идэхгүй байхыг анхааруулсан байна. Тус компанийн ажилтнууд зөвхөн нэвтэрдэг "Mc Resource Line" цахим хуудаст ингэж үе үе зөвлөмж гаргадаг ажээ. Энэ удаа компанийн удирдлагаас ажилтнуудынхаа хоолны дэглэмийн талаар зөвлөгөө өгөхдөө түргэн хоол, хийжүүлсэн ундаа, шарсан хуурсан хүнс, майонез зэргээс аль болох татгалзахыг сануулжээ. "Мэдээж, түргэн хоолны газрын ажилтнуудын үдийн хоолны цаг маш бага учир гадагш гарах цаг зав байдаггүй нь үнэн. Гэхдээ та бүхэн аль болох гадагш гарч өөр хоолны газар орж сэндвич юмуу салат, шөл гэх мэт эрүүл хоол идэж байх хэрэгтэй хэмээн зөвлөсөн байна. Ер нь, McDonalds-ын цахим сүлжээ их этгээд зөвлөмж ажилтнууддаа өгдөг гэнэ. Түрүүчийн удаа тэд ажилтнуудаа өөр нэг ажил давхар эрхэлж байх хэрэгтэй хэмээн зөвлөсний зэрэгцээ, улсаас олгодог үнэгүй хоол идэх талон авч байхыг хүртэл санал болгосон байжээ.
