Данийн Ерөнхий сайд Хелле Торнинг Шмитт Н.Манделагийн хүндэтгэлийн ёслолын үеэр өөрийн гар утсаар авсан зургийг нийтэд дэлгэхээс татгалзлаа. Тэрээр Өмнөд Африкийн удирдагч агсан Н.Манделаг сүүлчийн замд нь үдэх ёслолын үеэр АНУ-ын Ерөнхийлөгч Б.Обама, Их Британийн Ерөнхий сайд Дэвид Камеруны хамт гар утсаараа зургаа авахуулж, хөгжилдсөн нь олны дургүйцлийг төрүүлсэн билээ. Гэтэл дэлхийн хоёр том удирдагчтай шүүмжлэлийн бай болон байж авахуулсан зураг нь тийм ч аятайхан гараагүй гэнэ. Тийм ч учраас Хелле Торнинг Шмитт лидерүүдийн “selfie” зургийг олон нийтэд дэлгэхийг хүсэхгүй байгаагаа хэлсэн байна. Тэрээр хэрүүлийн алим тарьсан зургийн тухай хэвлэлд тайлбарлахдаа “Мэдээж, бидэнд гунигтай байсан. Гэхдээ тэр ёслол нэг талаараа Н.Манделагийн алдар гавьяаг мандуулах ёслол учраас бид хөгжилтэй байхыг хүссэн. Бид улс орны удирдагчид боловч эцсийн эцэст хүн шүү дээ” хэмээн ярьжээ.