Өмнөд Африкийн Ерөнхийлөгч асан Н.Манделаг сүүлчийн замд нь үдэх ёслолын үеэр АНУ-ын төрийн тэргүүн Б.Обама үг хэлсэн. Тэр үед нэгэн ир индэр дээр Ерөнхийлөгчийн хойно зогсч, түүний үгийг дохионы хэлээр "хөрвүүлсэн" юм. Гэтэл тэр эрэгтэй Ерөнхийлөгчийн үгийг зөвөөр хөрвүүлэх нь битгий хэл, ямар ч утга учиргүй гарын хөдөлгөөн хийж байсныг мэргэжилтнүүд олж харжээ. Мэргэжилтнүүдийн хэлж байгаагаар тэр эрэгтэй дохионы хэлний талаар ямар ч ойлголтгүй бололтой, зүгээр л гараа хөдөлгөөд байсан гэнэ. Түүний гарын хөдөлгөөнд ямар нэг утга илэрхийлэх зүйл юу ч байгаагүй аж. Үүнээс харвал ёслолыг зохион байгуулагчид өөрийгөө дохионы хэл мэднэ гэсэн хуурамч этгээдэд залилуулсан бололтой. Дохионы хэлийг хөрвүүлэгчид улсынхаа мэргэжлийн холбоонд харьяалагдах ёстой байдаг бол тэр эрэгтэй гишүүнчлэлгүй, хэн ч түүнийг танихгүй байгаа гэнэ. Энэ явдалд зохион байгуулагчид хариу өгөхөөс татгалзсан ч залилагчийг хайж эхэлжээ. 
