Хятадын тал Японтой булаацалдаж байгаа Сэнкаку арлуудыг өөрийн агаарын хяналтын бүс гэж мэдэгдэн, Хятадын Гадаад хэргийн яамнаас зөвшөөрөл авалгүй тус арлын орчим ниссэн онгоцыг унагана гэж мэдэгдсэн. Энэ мэдэгдэлийг Япон, Өмнөд Солонгос, Америк эрс шүүмжилсэн бөгөөд бүс нутагт бүрдээд байсан тогтвортой байдлыг алдагдуулсан алхам гэж шүүмжилсэн. Улмаар Хятадуудын тогтоосон агаарын бүсээр байлдааны онгоцоо санаатайгаар нисгэн нэлээд түгшүүртэй байдал үүсгэсэн билээ. Энэ удаад Өмнөд Солонгос нь өөрийн агаарын хяналтын бүсээ тэлэн өргөсгөж байгаагаа мэдэгдсэн байна. Тус улсын Батлан хамгаалахын сайд нь “Бид агаарын хяналтын бүсээ өргөсгөх гэж байгаа тухай хөрш орнууддаа урьдчилан мэдэгдсэн болохоор тэд бидний байр суурийг ойлгосон” гэжээ.