Европын интеграцид нэгдэхийг уриалж, эрх баригчдыг эсэргүүцэн Киев хотын төвд жагссан олон мянган хүн Майан Незалжностыйг орхин Украины Засгийн газрын байр луу хөдөлсөн байна. Тэнийг ийн хөдлөхийн өмнө сөрөг хүчний удирдагчдын нэг, Дотоод явдлын сайд асан Юрий Луценко тайван байхыг уриалж, өдөөн хатгалгад автахгүй байхыг сануулжээ. Жагсаал Сайд нарын танхимын албан байрны үүдэнд ирж Засгийн газрын эсрэг уриа лоозон хашгирч байна. Идэвхтнүүдийн зарим хэсэг Украины Үндэсний банкны бүх хаалгыг бүсэлжээ. Засгийн газрын барилгын дэргэд найман автобус дүүрэн цагдаагийн тусгай “Беркут” тасгийн дайчид байгаа ч одоохондоо ямар нэг ажиллагаа хийлгүй, жагсагчдад садаа болоогүй байна.
Үүний өмнө энэ жагсаал цуглааныг дэмжин Киев рүү ирж байсан 200 орчим идэвхтэн рүү  Днепропетровскийн галт тэрэгний буудалд 50 гаруй хүн халдаж зодож заримыг нь бэртээсэн явдал гарсан юм.
Одоо нийслэлд болж байгаа эсэргүүцлийн хөдөлгөөнд нэгдэхээр баруун украинаас сөрөг хүчнийхэн хэдэн зуун машины цуваагаар Киев рүү ирж байгаа мэдээлэл байна.
Украины эрх баригчид Европын холбоотой хийж байсан хэлэлцээрээ зогсоох шийдвэр гаргасан нь сөрөг хүчний зүгээс шүүмжлэл хүлээн ийн жагсаал цуглаан хийхэд хүргэсэн юм.