Хятадын Шенжен хот “хүүхдийн хайрцаг” хэмээх хөтөлбөрийг ирэх жилээс хэрэгжүүлэх гэж байна. Хүүхдээ өсгөхийг хүсээгүй, эсвэл өсгөх боломжгүй эцэг эхчүүд өөрсдийгөө мэдэгдүүлэхгүйгээр хүүхдээ энэ хайрцагт орхиж болох гэнэ.  Энэ хайрцагт орхигдсон хүүхдүүдийг улсын асрамжинд авч өсгөж хүмүүжүүлэх юм байна. Энэ санаачилга хариуцлагагүй эцэг эхийг өөгшүүлнэ хэмээн зарим нэг хүн шүүмжилж байгаа ч хүүхдийн эрхийг хамгаалах тэднийг янз бүрийн байдлаар хаягдаж, эрүүл мэнд, амь насаараа хохирохоос нь сэргийлэх зорилготой хэмээн хотын удирдлага тайлбарлаж байна. Хятадын зарим хотод үүн шиг туршлагыг аль хэдийнэ хэрэгжүүлээд эхэлсэн байна. Тухайлбал, Шижиажуан хотод 2011 оноос хүүхдийг ингэж хүлээж авдаг болсноос хойш 170 хүүхдийг асрамжинд авсан байна.