АНУ-ын  НАСА агентлаг “ISON” сүүлт одыг нартай ойртох явцдаа  ууршин алга болсон гэж үзэж байна.

Уг сүүлт од нартай хамгийн их ойртох үе нь өчигдөр байжээ. Энэ хоёр обьект хоорондын зайг 1,1 сая км гэж тооцоолсон нь дэлхий,  нар хоёрын хоорондын зайны 140 хуваасны нэгтэй тэнцэх зай юм. 

Сансрын ажиглах газраас авсан зурагт маш бүдэг гарах болсон сүүлт од нарыг тойрох аяллаа даван туулж чадсангүй гэж НАСА үзжээ. Гэвч сүүлт од сөнөсөн гэх баталгаа хараахан гараагүйг дурдав.
Ирэх сарын эхэн үеэс үүр цайхын өмнөх дорнын тэнгэрт сүүлт одыг урт гялалзсан сүүлтэй нь харна гэж од эрхсийг ажиглагчид хүлээн ядаж байсан юм.
Сүүлт од мөхөх нь бүхэлдээ муу мэдээ биш. Сансрын чулуулаг хагарснаар одон орон судлаачдад сүүлт одыг илүү гүнзгий судлах боломж нээгдэх болно гэж НАСА-ын эрдэмтэн ярилаа.