Молдавыг нэгтгэх нь гадаад улс төрлийн бодлогын нэн чухал чиглэл гэдгийг Румынийн Ерөнхийлөгч Траян Бэсескү мэдэгджээ. Удахгүй Литвын нийслэл Вильнюст эхлэх гэж байгаа Европын холбоо ба “Дорнын түншлэл” чуулга уулзалтын өмнө үндэсний телевизээр үг хэлэхдээ энэ тухай мэдэгдсэн байна. Тэрээр “Молдав манай улс хоёр нэг улс болохыг хүсч байгаа” гэжээ. “Дорнын түншлэл” гэдэг нь хуучин Зөвлөлтийн бүрэлдэхүүнд байсан Украйн, Молдав, Азербайжан, Армени, Гүрж, Беларусь улсуудтай хамтын ажиллагааг хөгжүүлэх хөтөлбөр юм. Энэ хөтөлбөрт нэгдэн гэрээ байгуулсан улсууд нь Европын холбооны зах зээлд зарим нэр төрлийн бүтээгдэхүүнээ татварын хөнгөлттэйгээр нийлүүлэх боломжтой болдог. Гэхдээ Европын холбооны тавьсан шаардлагын дагуу хууль, гадаад ба дотоод эдийн засаг, улс төрийн бодлогодоо өөрчлөлт оруулах ёстой байдаг.
1940 онд Зөвлөлт ба Германы хооронд байгуулагдсан Риппентроп-Молотовын гэрээний дагуу Зөвлөлт нь Румынийн мэдэлд байсан Бессараби мужийн булаан эзлэж Молдав нэртэй шинэ улс байгуулан өөртөө нэгтгэсэн түүхтэй. Зөвлөлт задран унасны дараагаар Румын нь Молдавыг өөрийн газар нутгийн нэг гэж үзэж байгаагаа албан ёсоор мэдэгдэн нэтгэх олон арга хэмжээ авч байсан юм.