Катарт 2022 онд болох хөл бөмбөгийн дэлхийн аварга шалгаруулах тэмцээний бэлтгэл ажлын хүрээнд Аль-Вакрах гэдэг цэнгэлдэх хүрээлэн барих гэсэн нь спортын хөгжөөн дэмжигчдийн шүүмжлэлд өртөөд байна. Заха-Хадид гэдэг нэртэ, эмэгтэй  архитекторын зураг төслөөр барих энэ цэнгэлдэх хүрээлэнг хүмүүс эмэгтэй хүний бэлэг эрхтний хэлбэртэй хэмээн шүүмжилж байгаа юм. 2004 онд уран барилгын зураг төслийн Притцдеровын шагнал хүртэж байсан ирак гаралтай архитектор Заха Хадид болохоор үүнийгээ доу хэмээн нэрлэдэг арабын завины хэлбэртэй хэмээн тайлбарлаж байна. “Хүмүүс тэгэж л ярьж байгаа юм. Дураараа л болог. Гэхдээ инээдэмтэй юм” гэж Заха Хади “Times” сэтгүүлд өгсөн ярилцлагадаа хэлжээ. Тэр бас хэрэв энэ зургийг эрэгтэй хүн гаргасан бол ийм их сүр болж шүүмжлэхгүй байсан даа гэсэн байна. 40,0 мянган хүний суудалтай энэ цэнгэлдэх хүрээлэнг 2018 он гэхэд барьж дуусгах юм байна.