Украины ерөнхий сайд асан Юлия Тимошенко тус улсын ерөнхийлөгч Виктор Януковичийг Европын Холбоонд нэгдэх хэлэлцээрт гарын үсэг зурахыг шаардан шоронд хугацаагүй өлсгөлөн зарласан байна. Түүний энэ шаардлагыг тус улсын нийслэл Киевт Европын талбайд болж байгаа жагсаалын үеэр түүний өмгөөлөгч Сергей Власенко уншиж танилцуулжээ. Тимошенко “Хэдэн зуун мянган украинчууд, дэлхий даяар Украины европын холбоонд элсүүлэхийн төлөө Евромайданд нэгдсэнд би баяртай байна. Барууны мафиуд бидний европын сонголтыг дарж бидний амьдралыг сүйрүүлэхийг эсэргүүэж байна. Улсынхаа тусгара тогтнолыг юугаар ч солихгүй хамгаалж чадах ийм  хүчирхэг ард түмний нэг хэсэг гэдгээрээ би бахархаж байна. Улбар шар хувьсгал хийсэн шигээ өнөөдөр зөвлөлтийн үеийн санаархлын эсрэг, эрх чөлөөнийхөө төлөө ялан дийлж чадна гэдэгт итгэлтэй байна” гэжээ. “Би эв нэгдлийн төлөө, украин даяараа, дэлхийнийтээрээ Евромайданд нэгдэж, Украиныг Европын холбоонд нэгтгэх хэлэлцээрт Ерөнхийлөгч Виктор Янукович гарын үсэг зурахыг шаардан би хугацаагүй өлсгөлөн зарлаж байна” гэжээ.