Латвийн нийслэл Рига хотод 500 хавтгай дөрвөлжин тетр талбай бүхий “Максим” худалдааны төвийн дээвэр нуран 54 хүн нас барж олон арван хүн бэртэж гэмтсэн байна. Одоо хэрхсэн нь мэдэгдэхгүй байгаа долоон хүнийг нурангид дарагдсан гэж үзэн аврагчид хайсаар байна. Дэлгүүрийн мөнгө хураагчаар ажилладаг байсан нэгэн эрийг барилга нурснаас хойш 9 цагийн дараа гаргаж эмнэлэгт хүргэжээ. Одоогийн байдлаар эмнэлэгт нийтдээ 19 хүнийг хүргээд байгаа юм. Худалдааны төвийн дээвэр дээр  хүүхдийн тоглоомын талбай байгуулж байсан, барилгын чанаргүй материал ашигласан зэргээс болж энэ осол гарсан гэсэн  эхний таамаглалууд  байна. Хэргийг мөрдөн шалгахын зэрэгцээ Латви даяар талийгаачдыг дурсан гурав хоногийн гашуудал зарласан байна. Нас барсан хүмүүсийн дунд Орос, Эстони зэрэг гадаад орны иргэд цөөнгүй байжээ.