Америкийн нисэх онгоц үйлдвэрлэлийн “Boeing” корпорациас “Boeing 747-8” ба “Boeing 787”  онгоцуудын хөдөлгүүрт мөс үүсэх аюул байгаа тухай анхааруулгыг эдгээр онгоцыг ашигладаг бүх компаниудад явуулсан байна.  “General Electric” компанийн хөдөлгүүр байрлуулсан эдгээр онгоцыг ихээхэн хэмжээний хур тунадас орж магадгүй газруудын орчим нисэхийг хязгаарлархыг зөвлөжээ. Энэхүү зөвлөгөөг “Japan Airlines”, “Lufthansa”, “United Airlines”, “Cathay Pacific Airways” гэх мэт дэлхийн 15 орны компаниуд явуулж.
“Boeing”-оос явуулсан зөвлөгөөний дагуу зарим компани нь арга хэмжээ аваад эхэлсэн байна. Тухайлбал, “Japan Airlines” компани “Boeing 787” онгоцыг олон улсын зарим чиглэлд ашиглахаа больж, чиглэлийг нь өөрчилсөн аж. “General Electric”-ийн хөдөлгүүртэй дээрх загварын онгоцуудыг их өндөрт нисэх үед хөдөлгүүрийн турбинд мөсний ялтас үүсэн хуримтлагдаж байсан тохиолдол хэд хэд бүртгэгдсэн байна. Гэхдээ азаар мөс хуримтлагдсан нь бүртгэгдсэн бүх тохиолдолд онгоцууд амжилттай газардаж байсан аж.