Олон жилийн өмнө хулгайлагдаж Лондонгийн нэгэн байранд барьцаанд байсан янз бүрийн насны гурван эмэгтэйг британийн цагдаа нар сулласан байна. Тэдний нэгийн нь хэлснээр бол хөөрхий эмэгтэй лавтай 30 жилийг ийм байдалд өнгөрүүлжээ.
Энд Малайзын 69, Ирландын 57, британийн 30 настай эмэгтэй байсан байна.  Цагдаагийн газрын мэдээлснээр бол эмэгтэйчүүдийн нэг нь Freedom Charity гэдэг буяны байгууллагад утасдаж өөрсдийнхөө байдлыг мэдээлснээр энэ хэрэг илэрчээ.
Лондонгийн цагдаагийн хүний наймаатай тэмцэх албаныхан эмэгтэйчүүдийг барьцаалан хадгалж байсан байрны эзэн  67 настай эрийг баривчлан энэ хэргийг мөрдөн шалгаж эхэлсэн байна. Барьцаанд байсан эмэгтэйчүүд сэтгэлзүйн хүнд дарамтад өртсөн учраас аюулгүй газарт аваачин эмнэлгийн тусламж үзүүлж байгаа юм. Global Slavery Index-ийн өнгөрсөн 10 дугаар сард нийтэлсэн судалгаагаар бол Их британид даруй дөрвөн мянга орчим хүн боолын байдалд байдаг гэнэ.