Оросын байкерын “Шөнийн чононууд” клубынхэн өөрсдийн мотцикл үйлдвэрлэхэд бэлэн болжээ. Өнөөдөр шинэ машиныхаа хөдөлгүүрийг хэдийнэ бэлэн болгоод байгаа тэд 2015 он гэхэд ийм мотоциклыг бөөнөөр нь үйлдвэрлэж эхэлнэ гэнэ. Гэхдээ үүнд нь төрийн дэмжлэг хэрэгтэй гэдгийг тэдний тэргүүн “Мэс засаллч” хочтой Александр Залдостанов ярьсан байна. Түүний хэлж байгаагаар бол эх орны үйлдвэрийн шинэ мотоцикл нь тийм ч өндөр үнэтэй биш байх ёстой юм байна. “Бид жинхэнэ “Ард түмний мотоцикл” үйлдвэрлэнэ. Волгоградын “Поршень” заводод хөдөлгүүрээ угсраад туршиж байгаа. “Чоно” нэртэй энэ мотоцикл 1,5 литрийн багтаамжтай, 100 морины хүчтэй мотортой байна. Үнэ нь таван мянган доллар байх болов уу” гэж Мэс засалч хэлсэн байна. Түүнийхээр бол энэ шинэ мотоцикл нь зөвлөлтийн “Урал” маягийн загвартай байх гэнэ.
