Одоогоос гурван жилийн өмнө Алди хэмээх хоёр настай индонези хүүгийн тухай мэдээ олны чихийг дэлдийлгэж байсан. Хэтэрхий эрх дураараа энэ хүү өдөрт 40 тамхи татдаг хорт зуршилтай байв. Саваагүй зангаар тамхи татаад сурчихсан хүү эцэг эхээсээ тамхи нэхээд өгөхгүй болохоор нь толгойгоороо шал мөргөөд салдаггүй учир эрх хүүхдээ аргадах гэж тамхи өгсөөр ийм байдалд хүрсэн байв. Түүний тухай энэ мэдээ олныг цочирдуулж, Индонезийн эрх баригчид нэн даруй арга хэмжээ авч, хүүг хоёр долоо хоногийн эрчимтэй "эмчилгээ"-нд хамруулсны хүчинд Алди хорт зуршлаа аль хэдийнэ орхижээ. 
Түүний тархи толгойноос тамхийг нь мартуулахын тулд тоглоом, амттан гээд өөр зүйлсийг зай завсаргүй авч өгснөөс тамхиа хаясан хүү өөр нэг зуршилтай болсон байна. Тэр бол эрүүл мэндэд муу амттан тэргүүтэн. Хэтэрхий их иддэгээсээ болоод тэр одоо үеийнхнээс илүү жинтэй болж, өсөлт нь ч зогсч магадгүйд хүрч. Тиймээс эмч нар дахиад л Алдиг хяналтдаа авч, эрүүлээр хооллож сургаж байгаа гэнэ. 
