Ираны парламентын 50 депутат улсынхаа нийслэл, улс төрийн төвийг Тегеран хотоос нүүлгэх тухай санал гаргасан байна. Хууль тогтоох дээд байгууллагын хуулийн комиссын гишүүн Абульфазл Абутурабигийн хэлснээр бол парламент энэ саналыг хэлэлцэж баталбал Ираны ерөнхийлөгч тэргүүлсэн 14 хүн бүхий ажлын хэсэг нийслэлийг нүүлгэх асуудлыг бүх талаас нь авч үзэн судалгаа тооцоо хийгээд нэг жилийн дараа төслөө дахин оруулж ирэх юм байна. 
Ираны нийслэл Тегеран хотын хүн ам маш хурдан өсч байгаа, нөгөө талаар газар хөдлөлийн хамгийн идэвхтэй бүсэд байдаг учраас нийслэлээ нүүлгэх тухай нэлээд дээрээс ярьж эхэлсэн юм. Албан ёсны тооцоогоор өнөөдөр Тегеранд 12-13 са яхүн амьдарч байгаа гэдэг. Тухайн үедээ Ерөнхийлөгч Махмуд Ахмадинежад санаачилж Тегеранаас төрийн албан хаагч 200 мянган хүнийг гаргая гэж байсан ч хэрэгжүүлээгүй өнгөрсөн юм.
Ираны хэвлэлүүд үүний өмнө нийслэлийг Тебриз хот руу нүүлгэнэ гэж бичиж байсна ч одоо бол аль хот руу нүүлэгх талаар тодорхой мэдээлэл алга байна.
