Эль-Сальвадор улсын иргэний дайны /1980-1992 он/ үед алга болсон мянга орчим хүүхдийн хэргийг шалгаж байсан агентлагийн архивын шатсан баримт, компьютерийг зэвсэглэсэн этгээдүүд хулгайлсан гэж тус улсын гал түймэртэй тэмцэх газраас мэдэгдлээ.

Сураггүй алга болсон хүүхдүүдийн асуудал хариуцсан “Пробускида” холбооны байранд зэвсэгт этгээдүүд нэвтрэн гал тавьсан гэж бага түрүүч Армандо мэдэгдэв.
Энэ хэрэг нь манай ажлыг үймүүлэх гэсэн “хорлон сүйтгэх ажиллагаа” гэж холбооны дарга ярьж байна.
Түүнийг шатсан байранд нь оруулахгүй байгаа тул ямар бичиг баримт алга болсон талаар мэдэхгүй байгаа аж.
Халдлагыг онцгойлон анхаарч шалгалт хийх саналыг хүний эрхийн прокурор Дэвид Моралес ерөнхий шүүгчид дэвшүүлжээ.
 Тус холбоо нь 20 жил үйл ажиллагаа явуулахдаа сураггүй алга болсон 921 хүүхдийн мэдээллийг хүлээн авснаас 235 хүүхдийг гэр бүлд нь олж өгсөн юм.