Өмнөд Солонгост айлчилж буй Оросын Ерөнхийлөгч В.Путинд Дэлхийн таеквондогийн холбооноос есдүгээр зэргийн хар бүс олгосноор тэрээр алдарт Чак Норрисоос ч “хүчирхэг” нэгэн болов. АНУ-ын тулааны урлагийн мастер Чак Норрис наймдугаар зэргийн хар бүстэй бол Дэлхийн Таеквондогийн холбооноос автоматаар олгочихсон хамгийн дээд эрэмбийн хар бүсийн ачаар В.Путин түүний өмнө гишгилээ. В.Путин таеквондогоор хичээллэдэггүй ч жүдогийн спортоор сургуулилдаг. Тийм ч учраас Дэлхийн Жүдо бөхийн холбооноос түүнд найм дах данг олгож байсан юм. В.Путин санаанд оромгүй өндөр зэрэглэлийн хар бүсний эзэн болсныхоо дараа “Ийм өндөр дан авна гэж бодсонгүй. Гэхдээ энэ явдал  биднийг энэ гайхамшигтай спортыг түгээн дэлгэрүүлээрэй гэсэн утга агуулгатай хэмээн бодож байна” гэжээ. Одоо түүнийг таеквондогийнхон хүндэт их мастер хэмээн дуудах юм байна.