Венесуэлийн Габриела Излер хэмээх 25 настай бүсгүй ертөнцийн сайхан бүсгүйгээр өргөмжлөгдлөө. ОХУ-ын нийслэл Москвад болсон “Miss Universe” тэмцээнд 86 орны гоо бүсгүй өрсөлдсөнөөс миссийн титмийг Г.Излер хүртсэн юм. Үүгээр зөвхөн сүүлийн зургаан жилийн “Miss Universe” –ын гурван түрүүг венесуэль бүсгүйчүүд аваад байна. Ер нь, олон улсын хэмжээнд болдог миссийн томоохон тэмцээнд энэ улсын бүсгүйчүүд шиг хамгийн олон түрүүлсэн орон байхгүй. Тийм ч учраас тус улсын Ерөнхийлөгч Н.Мадура Венесуэль бүсгүйчүүдийн гоо бүсгүйг дахин баталсан Г.Излерт баярт хүргэжээ.  
 Венесуэлийн телевизийн хөтлөгчөөр ажилладаг, бүжигчин энэ бүсгүй эцсийн шатанд Испанийн мисс Патрисия Родригестэй тунаж үлджээ.
Энэ удаагийн тэмцээний шүүгчдийн бүрэлдэхүүнийг АНУ-ын рок дуучин Стивен Тейлор ахалсан бөгөөд мөн өмнөх жилийн тэргүүн мисс, АНУ-ын гоо бүсгүй Оливия Кулпо титмийг гардуулан өгчээ.


Мисс бүсгүй титмээ алдаж унагав.