Хятадын умард нутгийн Тайюань хотод өчигдөр өглөө мужийн намын хорооны албан байрны өмнө Инцжэ гудамжинд зургаан ч удаа бөмбөг дэлбэрсэн байна. Бөмбөг дэлбэрсний улмаас нэг хүн амь алдаж, долоон хүн шархдан ойр орчимд нь байсан машин өртжээ. Хэргийн газарт ажилласан мэргэжлийн хүмүүс гар хийцийн бөмбөг байсныг тогтоож, мөн дэлбэрэлтийн хөнөөх хүчийг нэмэгдүүлдэг металл бөмбөлгүүд олжээ. Одоогоор гудамжны хөдөлгөөнийг сэргээгээд хэргийг мөрдөн шалгаж эхэлсэн байна.